Atuartut sisamaagaangata aallartitsinerit pingasut naammassineqartarput

Ukiumi atuarfiusumi 2015/16-imi efterskolernerit 318-it naammassineqarput, taakkunannga missiliorlugu pingajorarterutaat kalaallit efterskoliininngaanneerput. Tassani ukiuni atuarfiusuni tulleriinni pingajussaanneerluni ingerlatsinerit naammassineqartut ikileriarput.

 

Tabel 2. Ingerlatsinerit naammassineqartut amerlassusaat, ukioq atuarfiusoq malillugu

 

2009/10

2010/11

2011/12

2012/13

2013/14

2014/15

2015/16

Efterskole Villads Villadsen     

68

74

68

70

60

66

54

Maniitsumi Efterskoli

-

-

46

35

32

50

50

Qallunaat nunaanni efterskolit    

-

253

235

257

253

226

214

Katillugit     

68

327

349

362

345

342

318

Najoqqutaq: Naatsorsueqqissaartarfik - Kisitsisaataasivimmi kisitsisit takukkit (http://bank.stat.gl/UDNESD)

 

Ataani takuneqarsinnaavoq ukiuni kingullerni naammassinnittarnermut procentip agguaannera, atuarfiit malillugit. Efterskolit ataatsimut naammassinnittarnermut procentiat qiviaraanni ukiumi atuarfiusumi 2015/16-imi missiliorlugu 75 pct.-imiippoq. Agguaqatigiissillugu annertunerpaaq missiliorlugu 84 pct.-imiilluni ukiumi atuarfiusumi 2011/12-iminngaanneerpoq. Agguaqatigiissillugulu annikinnerpaaq missiliorlugu 74 pct.-imiilluni ukiumi atuarfiusumi 2013/14-iminngaanneerpoq.

 

Titartagaq 4. Naammassinnittarnermut procentip agguaannera, efterskolit aammalu ukioq atuarfiusoq malillugit

Najoqqutaq: Naatsorsueqqissaartarfik - Kisitsisaataasivimmi kisitsisit takukkit (http://bank.stat.gl/UDNESA aammalu http://bank.stat.gl/UDNESD).

 

Efterskole Villads Villadsenimi aallartitsinerit pingasuugaangata marluk ukiuni atuarfiusuni kingullermi tallimani naammassineqarsimasarput. Agguaqatigiissillugu annikinnerpaaq missiliorlugu 63 pct.-iulluni ukiumi atuarfiusumi 2015/16-iminngaanneerpoq. Maniitsumi Efterskoli naammassinnittarnermut procentimi annerpaamik qaffariaateqarpoq. Ukiumit atuarfiusumit 2013/14-imit ukiumut atuarfiusumut 2014/15-imut missiliorlugu 16 procentpointinik qaffariartoqarsimavoq. Naammassinnittarnermut procenti ukiumi atuarfiusumi 2015/16-imi missiliorlugu 68 pct.-iusimavoq. Kalaallit efterskoliinut sanilliullugit qallunaat efterskolii annertunernik naammassinnittarnernut procenteqarsimapput. Ukiunili atuarfiusuni kingullerni tallimani appariartoqarsimavoq, tassani ukiuni atuarfiusuni kingullerni marlunni ukiumit atuarfiusumit 2011/12-imit missiliorlugu 91 pct.-imit ukiumut atuarfiusumut 2012/13-imut missiliorlugu 81 pct.-imut appariarsimalluni.